.png)
Таиланд Корольдігінің Чиангмай қаласында өтіп жатқан Азия чемпионатында ширек финалдық айқастар жалғасып жатыр, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Ұлттық құрама спортшысы Оразбек Асылқұлов 1/4 финалда ринг қожайыны Чуджан-Ат Пануванмен кездесіп, алғашқы раундтан-ақ жеңіске деген ұмтылысын көрсете алды. Қарсыластан жылдамдық, таза бокс тұрғысынан басым болған отандасымызға төрешілер тарапы бір ауыздан 5:0 есебімен жеңісті берді.
Енді отандасымыз 8 желтоқсан күні Лундаа Гантумурмен (Моңғолия) финал жолдамасы үшін жұдырықтасады.
Фото: Спортты дамыту дирекциясының баспасөз қызметі.
Іздеу 
