.png)
Жапонияның Какамигахара қаласында көгалдағы хоккейден 21 жасқа дейінгі әйелдер арасындағы VIII Азия Кубогы өтіп жатыр. Бүгін Ұлттық құрамамыз осы бәсекеде 2-рет қарасыласына жол берді. Серік Қалымбаев баптайтын отандастарымыз жарыс қожайыны Жапониямен ойнап, 0-8 есебімен ұтылып қалды. Өкінішке қарай, біздің хоккейшілер жүлдеге таласу мүмкіндігінен айырылды.
Осыған дейін Қазақстан құрамасы Индонезияны 6-0, сосын Гонконгты 3-0 есебімен ұтқан. Алайда 2-турда Қытай хоккейшілеріне жол берген (0-14).
Қазір Ұлттық құрама сапында ең көп гол салған ойыншы – Виктория Лобанова (4 гол). Одан кейін Виктория Ляпина (3 гол) мен капитан Балжан Бейсенбай (2 гол) келе жатыр.
Енді Ұлттық құрама Қытайдың Тайбэйімен ойнап, 5-8 аралығындағы орындарды сарапқа салады. В тобынан Қытай мен Жапония, ал А себетінен Үндістан мен Оңтүстік Корея жартылай финалға шықты. Осы командалардың үшеуі биыл Чили астанасы Сантьягода өтетін жастар арасындағы әлем чемпионатына барады. Айта кетейік, сары құрлық додасы 11 маусымда аяқталады.
Іздеу 
