.png)
Ұлттық құрама спортшысы Алина Ертөстік Албания астанасы Тиранада өтіп жатқан әлем чемпионатында (U23) 5-орын алды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Ауыр салмақтағы отандасымыз (76 кг) қола медаль үшін күресте жапониялық Нодока Ямамотодан ұтылып қалды. Есеп: 0-11. Осылайша, Тиранада 18 жастағы Алина алғашқы әлем чемпионатында жүлдеге бір табаны жетпей тоқтады.
Екі палуан осыдан 2 жыл бұрын Азия чемпионатының (U20) жартылай финалында жолыққанда Нодока 6-8 есебімен басым түскен.
Бағана Лаура Ғаниқызы қола жүлдеге таласып қарсыласына жол берген. Ал ертең 3 отандасымыз – Зейнеп Баянова (53 кг), Тыныс Дүбек (62 кг), Анастасия Панасович (72 кг) жұбаныш кезеңінде бақ сынайды.
Фото: Спортты дамыту дирекциясының баспасөз қызметі.
Іздеу 
