.png)
Бүгін Ұлттық құрама спортшысы Аян Бейсенбаев триатлоннан ХІХ жазғы Азия ойындарының қола жүлдегері атанды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Ол жарыс жолын 1:52:25 секундта бағындырып, екі жапон спортшысына есе жіберді. Алтын Кендзи Нэнердің уысында кетсе (1:50:54 секунд), Макото Одакура күміс медаль иегері атанды.
Бұл сында тағы бір қазақстандық Тімірлан Теміров 6-сатыға тұрақтады (1:55:08 секунд).
Азиадаға ерлер арасында барлығы 30 триатлон шебері қатысуға ниет білдіргенімен, сөреге 17-сі ғана жетті.
Қазір Қазақстан құрамасының еншісінде 3 алтын, 3 күміс пен 17 қола медаль бар.
Іздеу 
