.png)
Бүгін Малайзияның Патраджайя қаласында маунтинбайктан Азия чемпионаты басталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Жарыстың алғашқы күні кросс-кантри эстафетада Қазақстан құрамасы үздік үштікті түйіндеді. Мәре сызығын бірінші болып Қытай командасы кессе, Индонезия күміс, Қазақстан қола жүлдегер атанды.
Біздің команда құрамында Ілияс Рахимов, Денис Сергиенко, Алина Саркулова, Никита Галкин, Мадина Жұртыбаева, Евгения Заам сынға түсті.
Бұл бағдарламада барлығы 8 құрама жарыс жолына шықты. Сары құрлық бәсекесі 12 мамырда аяқталады.
Іздеу 
