.png)
Эйфель мұнарасының етегіндегі Трокадерода орналасқан Чемпиондар саябағы жүлде жеңіп алған спортшылардың жетістіктерін атап өту үшін әлемнің түкпір-түкпірінен келген спорт жанкүйерлерінің кездесу орнына айналмақ, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Жазғы ойындар тарихында алғаш рет барлық медаль иегері мыңдаған жанкүйермен кездесуге шақырылады Трокадеро Париждің қақ ортасында, барлығына қол жетімді керемет жер.
Күн сайын Чемпиондар саябағында сол күннің жеңімпаздары құрметке бөленеді. Олар шеруге қатысып, жиналған көпшілікпен бірге ашық аспан астында өздерінің жеңісті сәттерінен жинақталған бейне үзінділерді тамашалайды.
Сонымен қатар, бағдарламада артистердің қойылымдары мен мәдени іс-шаралар бар. Олар Чемпиондар саябағын тек спорт мерекесінің орнына емес, ойын-сауық үшін толыққанды, әмбебап алаңға айналдырады.
Іздеу 
