.png)
Париж Олимпиадасында қазіргі бессайыстан әйелдер арасында финалға шыққан спортшылардың жартысы белгілі болды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
А тобының жартылай финалында сынға түскен отандасымыз Елена Потапенко 1301 ұпай жинап, 15-орыннан көрінді.
Еленаның әр сайыстағы нәтижесі:
Семсерлесу – 200 ұпай
Конкур – 279 ұпай
Жүзу – 277 ұпай
Жүгіріп, нысана көздеу (лазер-ран) – 545 ұпай
Ал ақтық сынға осы топтан жақсы нәтиже көрсеткен 9 спортшы жолдама алды. Қалған атлеттер В тобындағы жарыстан кейін анықталады.
Фото: Владислав Семенов.
Іздеу 
