.png)
Германия астанасы Берлинде су добынан Әлем Кубогының 2-дивизиондағы кезекті ойындар аяқталды. Бұл жолы әйелдердің ізін ала ерлер құрамасы жиналып, жазда в Лос-Анджелесте жүлдеге таласуға мүмкіндік беретін қос жолдаманың иегерін анықтады.
Біздің ватерполшылар А тобына түсіп, алғашқы ойында Жаңа Зеландияны 10-9 ұтты. Алайда 2-матчта румыниялықтарға 5-19 есебімен есе жіберді. Сосын, сары құрлықтағы негізгі қарсыластың бірі Иран құрамасынан 7-6 басым түсіп, топтан шықты.
A тобы: Румыния (9 ұпай), Қазақстан (6), Иран (6), Жаңа Зеландия (0).
B тобы: Германия (9 ұпай), Қытай (6), (Мальта 3), ЮАР (0).
Бірақ плей-оффта жарыс қожайыны Германия ватерполшыларына төтеп бере алған жоқ. Есеп: 12-1, қарсыластың пайдасына.
Айта кетейік, су добынан Әлем Кубогының Суперфиналы 30 маусым мен 2 шілде аралығында АҚШ-тың Лос-Анджелес қаласында өтеді. Биыл АҚШ, Испания, Сербия, Италия, Мажарстан, Грекия Рымыния мен Германия ерлер құрамасы бас жүлдені сарапқа салады.
Іздеу 
