.png)
Норвегияның Аскер қаласында жастар арасында (ерлер, U-20) шайбалы хоккейден Әлем чемпионатының І дивизиондағы ойындары өтіп жатыр. Қазақстан ерлер құрамасы жарыс қожайыны Норвегия және Дания, Словения, Франция, Мажарстанмен А тобына түсті.
Бүгін еліміздің жастары Мажарстан хоккейшілерінен басым түсті. Есеп: 3-2. Дінмұхамед Қайыржан осы мачтағы Ұлттық құраманың үздік ойыншысы атанды. Осы жеңістің арқасында Қазақстан топта 4-орынға көтерілді.
Кеше алғашқы ойында Қазақстан былтыр В дивизионында топ жарған Франция құрамасына 2-0 есебімен есе жіберген. Енді қазақстандық жастар 14 желтоқсан, түнде Даниямен, сосын Словения (15 желтоқсан, түнде) және Норвегиядан келген құрдастарымен (18 желтоқсан) ойнайды.
Ұлттық құрама ойыншылары: Қақпашылар: Антон Осокин («Торпедо»), Артем Шестаков, Роман Шефер (екеуі де - «Снежные барсы»)
Қорғаушылар: Артем Авдеенко, Данил Базько, Семен Роев, Климентий Царев (барлығы – «Снежные барсы») Дмитрий Бреус («Чайка», ЖХЛ), Иван Гавриленко («Сарыарқа»), Аслан Жүсіпбеков («Барыс», ЖЛК), Кирилл Никитин («Номад»)
Шабуылшылар: Роман Ермак, Кирилл Ляпунов, Дінмұхамед Сапарбек, Даниил Цыбин, Илья Шапоров, Алмаз Муканов (барлығы – «Снежные барсы»), Дінмұхамед Кайыржан («Барыс», ҚХЛ), Всеволод Логвин, Алдияр Нұрлан, Константин Морожников (барлығы - «Номад»), Руслан Оспанов («Анкоридж Волверинс», АҚШ), Валентин Попов («Торпедо»):
Барлық құрама бір-бірімен ойнап болған соң, көп ұпай жинаған құрама ғана жоғарғы дивизионға жолдама алады.
Іздеу 
