18.06.2025 | 15:01
Бөлісу:
U23 АЗИЯ ЧЕМПИОНАТЫ: ГРЕК-РИМ КҮРЕСІНЕН 4 ПАЛУАНЫМЫЗ ФИНАЛДА
Вьетнамның Вунгтау қаласында U17-23 жас санатында күрес түрлерінен Азия чемпионаты басталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Алғашқы жарыс күні бозкілемге шыққан грек-рим күресі өкілдері арасында (U23) Ұлттық құраманың 4 өкілі ақтық сынға жолдама алды. Олар:
Исхар Құрбаев (-60 кг) қарсыласы Мехродж Бахрамов (Өзбекстан)
Бағдат Сабаз (-67 кг) – Огабек Мукимов (Өзбекстан)
Ақжан Ықыласов (-77 кг) – Ю Джи Син (Қытай)
Джохар Узаров (130 кг) – Венхао Жиан (Қытай)
Финалдар бүгін Астана уақытымен 16:00-де басталады. Чемпионатты UWW+ ақылы платформасынан тікелей эфирде көруге болады.
Фото: Спортты дамыту дирекциясының баспасөз қызметі.
Жаңалықтардан қапы қалмау үшін бізге жазылыңыз:
