.png)
Оңтүстік Кореяның Гуми қаласында жеңіл атлетикадан 26-шы Азия чемпионаты басталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Аталмыш дода 27 мен 31 мамыр аралығында өтеді. Сондай-ақ бүгін Қазақстан құрамасы қоржынына алғашқы жүлде түсті. Ясмина Токсанбаева 20 шақырымдық спорттық жүрісте мәреге үшінші болып келіп, ел қоржынына алғашқы қола медальді салды. Ол 1:32.15 уақытымен жеке рекордын жаңартты. Дәл осы бағдарламада ерлер арасында Георгий Шейко сегізінші сатыға тұрақтады.
Чемпионаттың бірінші күні жарыс жолына сегіз қазақ спортшы шықты:
Максим Фроловский (1500 метрге жүгіру);
Эльнор Мухитдинов (400 метрге жүгіру);
Александра Залюбовская (400 метрге жүгіруде жеке рекордын тіркеп, 4-орын алды);
Виктория Ан (400 метрге жүгіру);
Ольга Сафронова (100 метрге жүгіру);
Мария Ефремова (үш қарғып секіру – 6-шы орын);
Алмат Төлебаев (100 метр);
Виталий Земс (100 метр, жартылай финалға өтті).
Ертең, 28 мамырда отандастарымыз он түрлі бағдарламада бақ сынайды. Жарысқа қатысатындар қатарында:
Зелимхан Насыров (ұзындыққа секіру);
Давид Ефремов (110 метрге кедергілермен жүгіру);
Юлия Башманова (100 метрге кедергілермен жүгіру);
Аралас эстафета қатысушылары: Кристина Кондрашова, Виктория Ан, Александра Залюбовская, Эльнор Мухитдинов, Андрей Соколов және Дмитрий Коблов; Ольга Сафронова (100 метр); Эльнор Мухитдинов (400 метр); Александра Залюбовская мен Виктория Ан (400 метр); Максим Фроловский (1500 метр); Виталий Земс пен Алмат Төлебаев (100 метр).
Фото: Спортты дамыту дирекциясының баспасөз қызметі.
Іздеу 
