.png)
Канаданың Ванкувер қаласында WKF каратэден Karate1 Series A санатындағы халықаралык турнир өтті. Бұл бəсекеде Ұлттық құрама спортшылары 1 күміс, 2 қола медальге қол жеткізді.
Кумите бағдарламасында 55 кг дейінгі салмақта Гүлмира Үсенова жартылай финалда швециялық Матильда Розелинді ұтты. Алайда алтын үшін жекпе-жекте жарыс қожайыны Хана Фуртумото-Дешайеске есе жіберді.
Ал Әбілмансұр Батырғали (-75 кг) мен Нұрия Тізімбай (-68 кг) өз салмағында үздік үштікті түйіндеді.
Канададағы турнирге барлығы 60-қа жуық елден 700 спортшы қатысты. Оның ішінде қазақстандықтар саны 6. Мұнда алған ұпайлар рейтингте жоғары көтеріліп, ең белді саналатын Премьер-лига жарыстарына қатысуға мүмкіндік береді.
Іздеу 
