.png)
Швейцарияның Берн қаласында өткен (8-10 қараша) семсерлесуден Әлем Кубогының кезеңінен кейін рейтинг жаңарды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Осы аптадағы FIE-нің (халықаралық семсерлесу федерациясы) рейтингінде еліміздің ерлер командасы 6-сатыдан төртінші орынға жоғарылады. Еске сала кетейік, Берндегі жарыста Эльмир Әлімжанов, Руслан Курбанов, Ерлік Сертай мен Вадим Шарлаимов квартеті 35 құраманың ішінде 7-орынға жайғасқан. Ширек финалға шығу үшін Париж Олимпиадасының чемпионы Мажарстан құрамасымен кездесіп, есе жіберген.
Әлем рейтингіндегі орын алдағы жарыстар кезінде жеребе тарту барысында ескеріледі.
Іздеу 
