15.09.2025 | 07:14
Бөлісу:
БОКСТАН ҚАЗАҚСТАН ЕРЛЕР ҚҰРАМАСЫ ӘЛЕМ ЧЕМПИОНАТЫНДА 4 АЛТЫН МЕДАЛЬ ИЕЛЕНДІ
Ұлыбританияның Ливерпуль қаласында бокстан ерлер мен әйелдер арасындағы әлем чемпионаты аяқталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Қазақстан ерлер құрамасы бүгін 4 алтын медальға қол жеткізді. Жүлде алған былғары қолғап шеберлері:
1-орын. 50 келі. Санжар Тәшкенбай (22 жас)
1-орын. 55 келі. Махмұд Сабырхан (24 жас)
1-орын. 70 келі. Төрехан Сабырхан (19 жас)
1-орын. +90 келі. Айбек Оралбай (25 жас)
Ұлттық құрама Лос-Анджелес Олимпиадасының бағдарламасына кіретін 7 салмақтың үшеуінде (55, 70, +90 келі) топ жарды. Осы бәсеке барысында қандай ерекшеліктер тіркелді?
-Қазақстан ерлер құрамасы өз тарихындағы үшінші үздік көрсеткішін тіркеді.
-Ағайынды Махмұд және Төрехан Сабырхан бір мезетте әлем чемпионы атанды.
-Төрехан Сабырхан ел тарихында ең жас әлем чемпионы атанды.
-Егіздер Айбек пен Нұрбек Оралбайдың да әлем чемпионы деген атағы бар.
-Араға 18 жыл салып, Санжар Тәшкенбай мен Махмұд Сабырхан жаһандық додада 2 дүркін әлем чемпионы атағын иеленді.
Қазақстан ерлер құрамасы әлем чемпионатында 32 жекпе-жек (14-Азия, 14-Еуропа, 3-Америка, 1 - Африка) өткізіп, оның 26-ында жеңіске жетті. Ерлердің жалпы медаль кестесі:
Өзбекстан – 6 алтын
Қазақстан – 4 алтын
Бразилия – 3 күміс
Жапония – 1 күміс, 2 қола
Англия – 1 күміс, 2 қола
Болгария – 1 күміс, 1 қола
Испания – 1 күміс, 1 қола
Моңғолия – 1 күміс
Франция – 1 күміс
Куба – 3 қола
Әзірбайжан – 2 қола
Қытай – 2 қола
Ирландия – 1 қола
Грузия – 1 қола
Иордания – 1 қола
Хорватия – 1 қола
Мажарстан – 1 қола
Украина – 1 қола
Аустрия – 1 қола.
Жаңалықтардан қапы қалмау үшін бізге жазылыңыз:
Таңдаулы жаңалықтар
Барлық жаңалық
НАТАЛЬЯ БОГДАНОВА ӘЛЕМ ЧЕМПИОНАТЫНЫҢ ФИНАЛЫНА ШЫҚТЫ
НАЗЫМ ҚЫЗАЙБАЙ ЛИВЕРПУЛЬДЕГІ ӘЛЕМ ЧЕМПИОНАТЫНЫҢ ФИНАЛЫНДА
АЙБЕК ОРАЛБАЙ – ӘЛЕМ ЧЕМПИОНАТЫНЫҢ ФИНАЛЫНДА